सन २००९-१० या आर्थिक वर्षांत नगरपालिकेला सुमारे ७ कोटी ८८ लाख हजार ३०६ रूपयांच्या निधी विविध योजनेंतर्गत प्राप्त झाला. त्यापैकी पर्यटन योजनांतर्गत सुमारे ७३ लाख ९२ हजार रूपये खर्चून एन.एच. ९ ते खंदक मार्गे किल्लाशेडपर्यंत रस्ता तयार करण्यात आला. एन.एच. ९ ते कुरेशी गल्ली मार्गे किल्ला गेटपर्यंत रस्त्याचे विद्युतीकरण, किल्लागेट ते एन.एच. ९ रोड आलियाबाद स्मशानभूमीपर्यंत विद्युतीकरणाचे काम पूर्ण करण्यात आले आहे. त्याचबरोबर व्यासनगरातील विठ्ठल मंदीर येथे बगीचा विकसित करण्याचे काम पूर्ण करण्यात आले असून हुतात्मा स्मारकात यात्रीनिवास बांधकाम पूर्ण झाले आहे.
अल्पसंख्याकआयोग याेजनेंतर्गत सुमारे वीसलाख रूपये निधीतून कुरेशी कब्रस्तान संरक्षण भिंत बांधण्यात आली. कादरबाशा कब्रस्तान संरक्षण भिंतीचे बांधकामप्रगतीपथावर आहेे. रस्ता अनुदान योजनेचे ६९ लाख ९१ हजार रूपये प्राप्त निधीतून वसंतनगर, वडारवाडा, व्यासनगर, जयभवानी चौक ते शनिवारवाडा, किल्लागेट ते पठाण गल्लीपर्यंत, इंदिरानगर याठिकाणी सिमेंट रस्ता कॉंक्रीटचे काम पूर्ण करण्यात आले. बाराव्या वित्त आयोग योजनेंतर्गत ३४ लाख निधीतून कत्तलखाना याठिकाणी रस्ता व मैदानाचे सिमेंट कॉंक्रीट करण्यात आले आहे. रोेकड्या मारूती मंदीर संरक्षण भिंत बांधकाम, बोरीघाट (गणपती विसर्जन) विस्ताराचे काम, वसंतनगर वडारवाडा येथेघनकचराप्रकल्प उभे करण्यात आले. गांडूळ खताचे प्रकल्प राबविण्यासाठी प्रक्रिया सुरू असून शहरातील नागरिकांच्या दुकानातील कचर्‍यांची विल्हेवाट लावण्यासाठी प्लास्टीक बकेटचे वाटप, स्टॅन्ड पोस्ट लावण्यात आले.त्याचबरोबर शहरातील विविध व अंतर्गत चौकातील कचरा गोळा करण्यासाठी कचराकुंडी बसविण्यात आली. नागरिकांना लघुशंकेसाठी ङ्गायबरच्या मुतार्‍या बसविण्यात आल्या.
केंद्र शासन पुरस्कृत जवाहरलाल नेहरू नागरी पुरस्कार पुनरूत्थान अभियानांतर्गत एकात्मिकगृह निर्माण व झोपडपट्टी विकासाच्या योजनेंतर्गत घरकुल बांधकामासाठी ६ कोटी ४५ लाख ६७ हजार ९०० रूपयांच्या निधीतुन वसंतनगर, जलशुद्धीकरण केंद्र, इंदिरानगर, शिवकरवाडी आदी ठिकाणी जवळपास ५०० घरांचे बांधकाम पूर्ण झालेले आहे. त्याठिकाणी रस्ते, गटार, विद्युतीकरणाचे काम झाले आहे.
२५ लाख रूपये निधी खर्चून व्यंकटेशनगर, रामलिलानगर, रहिमनगर आदी ठिकाणी रस्त्याचे काम व विद्युतीकरण, अंकुर हॉटेलच्या पाठीमागे बगीचा विकसित करण्याचे काम पूर्ण करण्यात आले. तर एन.एच. ९ रोड ते स्वामी समर्थ बँकेपर्यंत, किल्लागेट ते पठाण गल्ली मार्गे मराठा गल्लीपर्यंत रस्त्याचेवविद्युतीकरणाचे काम करण्यात आले आहे. नागरी दलितवस्ती पाणीपुरवठा योजनेतून २० लाख रूपये खर्चून हुतात्मा निलय्या स्वामी बगीचा ते बौद्धनगर-शिवकरवाडीपर्यंत स्वतंत्र पाईपलाईन टाकून दलित नागरिकांसाठी पाणीपुरवठा करण्याचे काम करण्यात आले आहे.भीमनगर येथे १३ लाख रूपये खर्चून डॉ. बाबासाहेब आंबेडकर सांस्कृतिक सभागृहाचेे बांधकाम करण्यात येत असून ते प्रगतीपथावर आहे.त्याचबरोबर सुवर्ण जयंती शहरी रोजगार योजनेंतर्गत ११ लाख २१ हजार रूपये निधी प्राप्त झाले आहे. एकुण ७ कोटी ८८ लाख ६८ हजार ३०६ रूपये निधी खर्चून विकासात्मक कामे करण्यात आली आहेत.
नळदुर्ग शहरातील गटार योजना भुयारी करण्यात येणार आहे. सर्व गटारांची सांडपाणी एकत्र करून त्यावर प्रक्रिया करून ते पाणी शहराबाहेर काढण्यातयेणार आहे. शहरातील पाणी वितरण व्यवस्था, नवीन पाण्याची टाकी बांधणे, शहरातील अंतर्गत रस्ते, मुख्य रस्ते, डांबरीकरण व सिमेंट कॉंक्रीट रस्ते, खुल्या जागेवर बगीचा व इतर विकासात्मक कामे, घनकचरा व्यवस्थापन प्रकल्प, कत्तलखान्याचे आधुनिकीकरण आदी कामे ४० कोटी रूपये खर्च अपेक्षित असून केंद्र शासन पुरस्कृत योजनेंतर्गत करण्याचा संकल्पकेला होता. ते सध्या पूर्णत्वाच्या मार्गावर आहे. लोकांच्या गरजा ओळखून व भविष्यात कुठेही अनुचित प्रकार घडून नये व वेळेवर नागरिकांना तातडीची मदत मिळण्यासाठी, आपत्कालीन व्यवस्था म्हणुन अग्निशामक दलउभा करण्याचे ऐतिहासिक निर्णय घेवून सुमारे एक कोटीच्या जवळपास खर्च करण्यात येत आहे. अग्निशामक वाहनाचे शेडचे बांधकाम पूर्ण होत असून येत्या ८ ते १० दिवसात अग्निशामक दलाची गाडी शहारात दाखल होणार आहे. घनकचरा व्यवस्थापनातुन स्वतंत्र संस्थेमार्ङ्गत स्वच्छतेेचे काम चालू आहे. महाराष्ट्र महोत्सवीनिमित्त बाराव्या वित्त आयोगातुन भव्य मंगलकार्यालय, वैयक्तीक व सार्वजनिक स्वच्छतागृहे, खंडोबा पणन ते आलियाबाद स्मशानभूमी एन.एच. ९ रोडवर रस्ता दुभाजक व विद्युतीकरणाचे काम करण्यात येणार आहे. यासंदर्भात प्रस्ताव पाठविण्यात आले असून त्यावर एक कोटी रूपये खर्च अपेक्षित आहे. नळदुर्ग शहर व परिसरातील महिला बचतगटांचीी आर्थिक दुर्बल परिस्थिती ओळखून डी.आर.डी. तील सर्व बचत गटांना उद्योगाची माहिती व्हावी व त्यांची प्रगती होण्यासाठी म्हणुन ४० ते ५० बचतगटांना काही महिन्यापूर्वी नळदुर्ग मध्ये विविध स्टॉल लावून प्रदर्शन मांडण्याची संधी उलब्ध करून दिली.
याकामी पालकमंत्री तथा पशुसंवर्धन व दुग्धविकास मंत्री ना.मधुकरराव चव्हाण, माजी मंत्री राणाजगजितसिंह पाटील, खा. पद्मसिंह पाटील, माजी आ. सि.ना. आलुरे गुरूजी, नरेंद्र बोरगांवकर, शिवाजीराव पाटील बाभळगांवकर, माजी नगराध्यक्ष उदय जगदाळे, उपनगराध्यक्ष नय्यर जहागिरदार, माजी नगराध्यक्ष व विद्यमान सदस्या सौ. झिमाबाई राठोड, श्रीमती. अर्चनाताई डुकरे, विमल बनसोडे, ललिता राठोड, मुन्वर सुलताना कुरेशी, मुश्ताक कुरेशी, इमाम शेख, शब्बीर सावकार, दत्तात्रय दासकर, नितीन कासार, दिलीप कुलकर्णी, संजय बताले, शब्बीर कुरेशी, अमित पाटील, सुजित हजारे, माजी नगराध्यक्ष देविदास राठोड, शङ्गीभाई शेख, शिवाजीराव मोरे, अशोकराव बनसोडे, प्रमोद कांबळे यांच्यासह शहरवासियांचे सहकार्य लाभलेअसल्याचे नगराध्यक्षानिर्मलागायकवाड यांनी सांगितले.
No comments:
Post a Comment